I
Tchuba dja tchobi
Bordolega pâ tudo cabo dja tem
Nôs guentis nhôs ôbi
Ma Setembro dja bem
II
Ê grogo na boca
Ê Tchuba na costa
Na planta mandioca
Na tudo encosta
III
Midjo cu fijon dja nâce
Tchuba tudo dia qui manche
Ê lama lâ fora na strada
Ê caminho na rotcha qui straga
IV
Nu pêga enxada na mó
Câ decha padja passano
Pâ nu câ bem mondal cu mó
Si nu cré cumida ês ano
1988
Danvieira
Sunday, June 10, 2007
Subscribe to:
Post Comments (Atom)
No comments:
Post a Comment