Tuesday, July 3, 2007

CASA DI DONANA

I
N'dichi Rubera tâ corré
N'odja boi na trapiche tâ roda
Guentis na bera tâ scorre
Calda qui s'tâ cai na parola

II
Canto n'tjiga ês mandan logo pâ fila
Pan s'pera nha bês, pã dâ um golpe
Di grogo cana- cana qui s'tâ cu Mila
Antis n'subi, pâ casa di Donana,
Mudjer di fama, dona di Santana

III
Ali canto n'tjiga, ê flan pã chinta,
Pã obi cusa quin ncâ sabeba,
Cusa quê flan, si manta ê pinta,
Ê flan mâ nen N'toni nen Beba,
Câ tem grogo cima el
Pã bebel à vontade,
Pã sumaral, pã odjal,
Pã flal cu verdade,
Mó quin 'n'tâ atjal

IV
‘N flal! Donana, Avé Maria Cheia di Graça
Grogo di nha câ tem mas graça
Pamodi n'panha um moco, quin bá na mó
Na mó di omis, qui .leban na pó

V
Grogo di nha ê câ brincadera,
Pâ más qui nho bebel,
Más nho crê bebe,
Tó qui nho panha, quel bom bebedera






VI
Óh! Nha Donana, nha dechan bai
Dili de Santana pâ nha rubera
Óh! Quin n'tjiga , n'tâ manda um balei
Um balei di cusas, di tudo cordera
Pâ famada Donana, quê câ brincadera


Julho de 1987
Danvieira